RACCONTI / 31. Mestru Carmelu caccà …
Ulìa sempri lu gilatu, rialatu, do Capitieddu!
Onna passati nà cinquantina tànni a stà parti e a Sava stera mestru Carmelu caccà, figura simpatica e curiusa. Scjia sempri allu bar do Capitieddu, quannu stu bar stera taccatu alla farmacia ti tonna Giulia. Mestru Carmelu caccà ogni toppu mangiari scjia e ulìa nu picca ti gilatu. Senza cu pajia s’intendi. Lu gustu sua era alla vaniglia. E sempri lu stessu latuernu era: “Mestru Nzì tammu nù picca ti gilatu. Comu lu fani tuni nò lu faci niscjiunu a Sava”.
E mestru Nzinu Capitieddu, cu la santa pazienza, li mittia nu picca ti gilato alla vaniglia ntrà lu cartucciu e slù lìaua ti nanti. Ma la storia era ti ogni giurnu però. Nu toppu mangiari mestru Carmelu caccà è scjiu spedito pi lu gilato.
Anzi, pi lu spumoni.
Ma quera vota lèrunu fattu nu bellu schierzu. Li mèsra li fai allu postu tlà vaniglia, tanta lu colori era li stessu.
Appena lu saggiou mestru Carmelu caccà pijia e dici: “Mestru Nzì? Srai ca stà fani nu picca ti schifu alli gilati!”
Giovanni Caforio
